جذبات کا آئینہ

     جذبات کا آئینہ  ، الجھنیں اور خواہشات 

#SocialOrbit 

 بچوں کے جذبات سمجھنے کا مؤثر طریقہ 

والدین اکثر یہ جاننا چاہتے ہیں کہ ان کے بچے کے دل میں کیا چل رہا ہے۔ وہ کن رشتوں سے جُڑے ہوئے ہیں؟ کس چیز سے ڈرتے ہیں؟ کیا سوچتے ہیں؟ لیکن براہ راست سوال کرنے سے بچہ گھبرا سکتا ہے، یا سچ چھپانے لگتا ہے۔

چائلڈ سائیکالوجی کے ماہرین کا ماننا ہے کہ کہانیوں کے ذریعے بچوں کی ذہنی اور جذباتی دنیا میں جھانکنا بہت مؤثر ہوتا ہے۔ بچوں کی فطرت میں یہ شامل ہے کہ وہ کہانیوں کے کرداروں سے جڑ جاتے ہیں اور ان کی مدد سے اپنے احساسات کا اظہار کرتے ہیں۔

ذیل میں چند آسان کہانیاں دی گئی ہیں جن کے ذریعے آپ بچوں کی نفسیات کو بہتر سمجھ سکتے ہیں — بغیر ان پر سوالات کی بارش کیے۔

. پرندے اور طوفان کی کہانی

کہانی سنائیں:

"ایک درخت پر پرندوں کا گھونسلہ تھا، ماں، باپ، اور ایک ننھا پرندہ۔ ایک رات آندھی آئی، گھونسلہ گر گیا۔ ماں ایک درخت پر، باپ دوسرے درخت پر جا بیٹھا۔"

اب بچے سے پوچھیں:

"ننھا پرندہ کہاں گیا ہوگا؟"

جواب بتاتا ہے کہ بچہ ماں یا باپ میں سے کس سے زیادہ جُڑا ہوا ہے۔ اگر وہ ماں کو چُنے، تو تحفظ کی طلب ماں سے وابستہ ہے۔

. ڈرنے والے بچے کی کہانی

کہانی:

"ایک بچہ اکثر روتا ہے، اور کہتا ہے کہ اسے بہت ڈر لگتا ہے۔"

اب پوچھیں:

"تمہیں کیا لگتا ہے، وہ بچہ کس سے ڈرتا ہوگا؟"

جواب اُس کے ذاتی خوف اور ان لوگوں کی نشاندہی کر سکتا ہے جو اس کے لیے پریشان کن ہیں۔

. دور جانے والے شخص کی کہانی

کہانی:

"ایک شخص بہت دور جا رہا ہے، اور وہ کبھی واپس نہیں آئے گا۔"

سوال:

"تمہیں کیا لگتا ہے وہ کون ہو سکتا ہے؟"

یہ کہانی بچے کی کسی رشتے سے دوری کی خواہش، مایوسی یا ناراضی کا اظہار ہو سکتی ہے۔ اگر بچہ کہے "میں جا رہا ہوں"، تو یہ تشویشناک علامت ہو سکتی ہے۔

. حیرت انگیز خبر کی کہانی

کہانی:

"ایک بچہ اسکول سے آیا، اور ماں نے کہا: میرے پاس تمہارے لیے ایک زبردست خبر ہے!"

سوال:

"تمہیں کیا لگتا ہے وہ کیا خبر ہو سکتی ہے؟"

یہ سوال بچے کی امیدوں، خوابوں اور خواہشات کو ظاہر کرتا ہے۔ بعض اوقات یہ جواب چھپی ہوئی حسرتوں یا محرومیوں کا پتہ بھی دیتا ہے۔

. ڈراؤنے خواب کی کہانی

کہانی:

"رات کو ایک بچہ جاگا اور ماں سے کہا: میں نے ایک خوفناک خواب دیکھا ہے۔"

سوال:

"تمہارے خیال میں اس نے کیا خواب دیکھا ہوگا؟"

یہ طریقہ آپ کو بچے کے لاشعوری خیالات اور احساسات تک لے جا سکتا ہے۔ خاص طور پر اگر بچہ بار بار کسی ایک خوفناک منظر کا ذکر کرے۔

چند گزارشات:

* اس مضمون کو صرف پڑھنے تک محدود نہ رکھیں، بلکہ عملی طور پر آزمائیں تاکہ آپ اپنے بچے کی جذباتی دنیا کو بہتر طریقے سے سمجھ سکیں۔

 * بچے کے جوابات پر فوراً ردعمل نہ دیں، بلکہ تحمل سے سنیں اور اس کی بات کو اہمیت دیں۔

* ہر کہانی کے بعد بچے سے بات چیت کو نرم لہجے میں جاری رکھیں تاکہ وہ اپنے جذبات کو کھل کر بیان کر سکے۔

* ان کہانیوں کو صرف ایک بار نہ سنائیں، وقتاً فوقتاً دہراتے رہیں تاکہ بچے کے رویّے میں تبدیلی کو سمجھا جا سکے۔

* مضمون کو دوسروں والدین تک بھی ضرور پہنچائیں تاکہ اجتماعی طور پر بچوں کی ذہنی صحت بہتر بنائی جا سکےو الدین کے لیے ضروری ہے کہ وہ بچوں کے احساسات کو صرف سنیں ہی نہیں بلکہ دل سے محسوس بھی کریں۔ کہانیوں کے ذریعے بچے اپنی بات کہنے میں آسانی محسوس کرتے ہیں، کیونکہ یہ طریقہ نہ صرف ان کے لیے محفوظ ہوتا ہے بلکہ دلکش بھی ہوتا ہے۔ والدین کو چاہیے کہ وہ ان کہانیوں کو محض کھیل نہ سمجھیں، بلکہ ان سے حاصل ہونے والے اشاروں اور جذباتی ردِ عمل کو سنجیدگی سے لیں۔ ہر بچے کی اپنی ایک الگ دنیا اور احساسات ہوتے ہیں، جنہیں سمجھنے کے لیے والدین کو برداشت، توجہ اور محبت کے ساتھ ساتھ نفسیاتی بصیرت بھی پیدا کرنی چاہیے۔ یہ عمل بچوں کو نہ صرف جذباتی طور پر مضبوط بناتا ہے بلکہ والدین اور بچوں کے درمیان تعلق کو بھی گہرا کرتا ہے۔

References: 

1. American Academy of Pediatrics - Child Development

2. Very well Family - How Stories Help Children Express Emotions

3. Child Mind Institute – Helping Kids Understand Feelings

#SocialOrbit #MeriRay #ChildPsychology #ParentingTips #EmotionalIntelligence #BachonKiDunya #StorytellingForKids #KidsEmotions #ChildTherapy #UrduParenting #PositiveParenting #ChildDevelopment #UnderstandingKids #KidsStories #UrduStorytelling #MentalHealthAwareness #EarlyChildhood #GentleParenting #EmotionalHealth #ParentChildBond #UrduContent #ParentingSupport #MindfulParenting #BachpanKiKahani #FamilyConnection